ٹورنٹو (نوٹس نیوز)۔ قومی ایئرلائن (پی آئی اے )کے 2فضائی میزبان کینیڈا میں فرار ہوگئے جن میں خالد محمود اورفداحسین شاہ شامل ہیں، دونوں کیبن کریوپاکستان سے ٹورنٹو فلائٹ پی کے 772پر روانہ ہوئے تھے۔کینیڈا سے واپسی پردونوں فضائی میزبان اپنی پرواز پر نہیں پہنچے، مذکورہ پرواز دونوں افراد کو چھوڑ کر واپس آئی۔پی آئی اے کے متعدد فضائی میزبان پہلے بھی بیرون ممالک پروازوں سے لاپتہ ہو چکے ہیں، سلپ ہونے والے فضائی میزبانوں میں خواتین ایئر ہوسٹس اور مرد کیبن کریو شامل ہیں۔دونوں فضائی میزبانوں کے سلپ ہونے کے حوالے سے کینیڈا کی مقامی اتھارٹی سے رابطہ کیا گیا ہے، تحقیقات مکمل ہونے پر دونوں فضائی میزبانوں کے خلاف ضابطے کی سخت کارروائی عمل میں لائی جائے گی۔
127
